المبدأ بالدنيا انعرض

كل انسان الو غرض

بعلمك حب بعلمك بغض

بعملك مدح بعلمك نهض

شو القصة وشو الغرض

وليش سكت وما اعترض

بين على انو قبض

 

 

صحافي كبير مشهور كتير

عندو بلاغة شكسبير

مقالاتو كلها نار

عم تحرق الاستعمار

لا هو مغفل ولا سرسار

ابن حرفة ابن كار ما بيكتب عن طمع

على المحك على الوجع

ليش سكت ليش خدع

ما عاد بعبع واعترض

تبين انو قبض

 

واحد زعيم شهم كريم

مشهور كفاحو من قديم

نضالو ضد الاستعمار

عطا مثل للاحرار

كان بثورة فلسطين

يحمل رشاش ومرتين

وعلى جنبو بلطة وسكين

وصوتو يلعلع من علين

يا اهل الشرف يا اهل الدين

جينا وجينا فلسطين

ليش سكت .. ليش خنع

ما عاد بعبع واعترض

تبين على انو قبض

 

بالصين بالشين بالصاد بالضاد

على السلم ما في اعتراض

اصوات ضد الاحلاف

عم تدعي لتعيد الائتلاف

هالاصوات القوية  وهالخطابات النارية

متبعين القضية

باخلاص ووطنية

والمرض نفس المرض   والغرض زاد الغرض

واللي بتشوفو اعترض بكون لسا ما قبض